Bakı, AzerVoice

İsrailin Milli Təhlükəsizlik Naziri İtamar Ben-Qvir radikal addımlar atan bir polis rəisini Qüdsün yeni polis müdiri təyin edib.

AzerVoice xəbər verir ki, bu haqda İsrail mətbuatı məlumat yayıb.

Məlumata görə Əmir Arzaninin bir müddət etibarnamə ilə həyata keçirdiyi Qüds Bölgəsi Polis rəisi vəzifəsi bu həftə rəsmi şəkildə təsdiq edildi. Arzani bu prosesdə briqada generalından general-mayora rütbəsinə qədər yüksəldi.

İsrailin Milli Təhlükəsizlik Naziri İtamar Ben-Qvirin bunu Əl-Əqsa məscidində status-kvonu dəyişdirmək və bölgəni yəhudiləşdirmək üçün etdiyi deyilir.

Arzani İsrail polisi içərisində olduqca mübahisəli bir fiqurdur. Onun daha əvvəl dəlillər üzərində saxtakarlıq etdiyi iddia edilən böyük bir daxili qalmaqala görə vəzifə yüksəlişinə qadağa qoyulmuşdu.

Xatırladaq ki, Arzani bir müddət əvvəl yəhudi qruplarına Məscidül-Əqsada yüksək səslə ibadət etmək, Tövrat oxumaq və mahnı səsləndirməklə bağlı verdiyi icazəyə görə böyük tənqidlərə məruz qalmışdı.

Əvvəllər "ekstremizm" ittihamı ilə məhkum olduğu üçün İsrail ordusunda xidmət etməsi qadağan edilmiş olan Ben-Qvir Milli Təhlükəsizlik Naziri olduqdan etibarən Məscidül-Əqsadakı status-kvonun dəyişdirilməsi üçün çalışır.

HƏmçinin, Ben-Qvir bu yaxınlarda bölgədə sinaqoq tikmək istədiyini də bildirmişdi.

Qeyd edək ki, İsrail İordan çayının qərb sahilinə də yeni polis rəisi təyin edib. Belə ki, briqada generalı Moşe Pinçi bundan sonra İordan çayının qərb Sahil Bölgəsinin polis rəisi vəzifəsini icra edəcək.

Pinçi fələstinli məhbuslara təcavüz edən və onlara işgəncə verən əsgərlərin həbsindən sonra İsrail ordusunun bazasına basqın edən yəhudi fəalları mühakimə etməmək üçün öz səlahiyyətlərindən istifadə etmişdi.