Bakı. AzerVoice:
Özbəkistan və ABŞ insan haqları sahəsində əməkdaşlığı genişləndirir.
AzerVoice xəbər verir ki, bu barədə razılaşma Özbəkistan Respublikasının Baş Prokuroru Niqmətilla Yuldaşev və ABŞ dövlət katibinin mülki təhlükəsizlik, demokratiya və insan hüquqları üzrə müavini Uzra Zeyanın rəhbərlik etdiyi nümayəndə heyətinin görüşü zamanı əldə edilib.
Məlumata əsasən, nümayəndə heyətinin üzvlərinə Özbəkistanda insan hüquq və azadlıqları ilə bağlı görülən işlər, aparılan islahatlar barədə məlumat verilib. Gender bərabərliyinin, fikir və söz azadlığının təmin edilməsi, korrupsiyanın qarşısının alınması və onunla mübarizə,miqrasiyanın tənzimlənməsi məsələləri müzakirə edilib.
Bundan əlavə, ABŞ nümayəndə heyətinə qanunun aliliyinin təmin edilməsi, işgəncə və digər təqib hallarının qarşısının alınması, beynəlxalq əməkdaşlığa xüsusi yanaşmanın tətbiqi istiqamətində həyata keçirilən tədbirlər barədə də məlumat verilib.
Xəbərlərimizi “WhatsApp” kanalımızdan oxuyun
