Bakı. AzerVoice:
Özbəkistan-Qırğızıstan İnkişaf Fondunun nizamnamə kapitalının artırılması nəzərdə tutulur.
AzerVoice xəbər verir ki, bu barədə Özbəkistanın Baş naziri Abdulla Aripov Qırğızıstan-Özbəkistan hökumətlərarası komissiyasının iclasında bildirib.
O qeyd edib ki, hazırda fond iqtisadiyyatın müxtəlif sahələri üzrə 16 layihəyə nəzarət edir.
“Yeni əməkdaşlıq layihələrinin yaradılması üçün fondun nizamnamə kapitalının artırılması planlaşdırılır", - deyə o qeyd edib.
Xatırladaq ki, fondun yaradılması haqqında saziş 2021-ci ilin martında Daşkənddə imzalanıb. İlkin mərhələdə onun nizamnamə kapitalı 50 milyon ABŞ dolları olub, onun tədricən 200 milyon ABŞ dollarına çatdırılması planlaşdırılır.
Xəbərlərimizi “WhatsApp” kanalımızdan oxuyun
