Vulkan kül buludlarını 9 kilometr hündürlüyə qədər atmosferə göndərib. Klyuchevskoyun aktivləşməsi iyulun 30-da bölgədə baş verən 8,8 bal gücündə zəlzələ ilə əlaqələndirilir. Güclü yeraltı təkanlar Kamçatkadakı ən azı altı başqa vulkanın, o cümlədən Şiveluç, Bezimyannı, Karımski, Avaçinski və 450 il “yatmış” Kraşeninnikovun aktivləşməsinə səbəb olub.

ABŞ Prezidenti Donald Tramp və Rusiya Prezidenti Vladimir Putinin bu gün Alyaskada keçirəcəyi görüş ərəfəsində, Ukrayna və Qərb ölkələri güclü birlik mesajı verib. Görüşdə Rusiyanın Ukraynaya qarşı müharibəsi və Rusiya–ABŞ münasibətlərinin müzakirə olunacağı gözlənilir. Tramp və Putin müharibə başlayandan bəri ilk dəfə bir araya gələcək. Görüş dünya ictimaiyyəti tərəfindən böyük maraqla izlənilir. Ukrayna isə açıq şəkildə bəyan edir ki, bu masada Kiyev olmadan qərarların qəbul edilməsi yolverilməzdir.

Bu gün Alyaskada ABŞ prezidenti Donald Tramp və Rusiya prezidenti Vladimir Putin arasında keçiriləcək sammit, Ukrayna müharibəsinə son qoymaq üçün 7 aydır davam edən danışıqların ən kritik mərhələsi hesab olunur. Danışıqlardan atəşkəs qərarı çıxarsa, növbəti mərhələdə Ukrayna prezidenti Volodimir Zelenskinin də qatılacağı üçtərəfli sammitin İstanbulda keçirilməsi nəzərdə tutulur.

ABŞ Prezidenti Donald Tramp ilə Rusiya Prezidenti Vladimir Putin arasında sabah keçiriləcək görüş ərəfəsində, Böyük Britaniyanın Baş naziri Keir Starmer və Ukrayna Prezidenti Volodimir Zelenski bir görüş keçiriblər. Baş nazirliyin 10 nömrəli ofisindən verilən açıqlamaya görə, Starmer bu səhər paytaxt Londondakı ofisində Zelenskini qəbul edib.

Böyük Britaniyada çikungunya virusuna yoluxma halları son aylarda iki dəfədən çox artıb. ​Bu barədə məlumatı ölkənin Səhiyyə Təhlükəsizliyi Agentliyi (UKHSA) yayıb. Yoluxmaların böyük əksəriyyəti Hindistan, Şri-Lanka və Mavrikiyə səyahətlə bağlıdır. Agentlik bildirib ki, virus ölkədə yayılmaq üçün lazım olan iki ağcaqanad növü ilə ötürülür və buna görə yerli yayılma riski mövcud deyil. UKHSA-nın açıqlamasına görə, bu ilin ilk altı ayında ölkədə 73 çikungunya hadisəsi qeydə alınıb. Bu, keçən ilin eyni dövründəki 27 hadisədən iki dəfə çoxdur.

ABŞ-ın Nyu Meksiko ştatının hökuməti Espanola şəhəri və onun ətraf bölgələrində zorakılıq cinayətlərinin və narkotiklərin qanunsuz dövriyyəsinin artması səbəbindən fövqəladə vəziyyət elan edib. Ştatın qubernatoru Mişel Lujan Qrisham bildirib ki, polisə kömək çağırışlarının sayı son iki ildə iki dəfədən çox artıb. Onun sözlərinə görə, cinayət fəaliyyəti evsizliyi, ailə qeyri-sabitliyini və ölümlə nəticələnən həddindən artıq dozaları artıraraq yerli idarələrə böyük yük qoyur.

Almaniya, NATO-nun “Ukraynanın Prioritet Ehtiyaclar Siyahısı” (PURL) çərçivəsində 500 milyon dollar dəyərində hərbi yardım paketini maliyyələşdirməyə hazır olduğunu açıqlayıb. Açıqlamada bildirilib ki, Almaniya digər müttəfiqləri ilə birlikdə, ümumi dəyəri 500 milyon dollara çatan ilk genişmiqyaslı hərbi yardım paketlərindən birini maliyyələşdirməyə hazırdır. ABŞ-ın Ukraynaya silah və sursat təmin etməyə davam etmək istəyi üçün təşəkkür ifadə olunan açıqlamada, Almaniyanın bu təşəbbüsə qoşulmaq qərarının Ukraynaya olan dəstəyi əhəmiyyətli dərəcədə gücləndirdiyi vurğulanıb.

İspaniyanın şimal-qərb və cənub-qərb bölgələrində baş verən meşə yanğınlarına görə 10 mindən çox insan təxliyə edilib, quru və dəmir yolu nəqliyyatı ciddi şəkildə pozulub. Ölkənin şimal-qərbində yerləşən Kastiliya və Leon muxtar bölgəsinə daxil olan Leon və Zamora şəhərlərinin ətrafında yayılan meşə yanğınları nəticəsində 34 kənd boşaldılıb. 6 nöqtədə yanğınların davam etdiyi bölgədə 8 minə yaxın insan gecəni evlərindən kənarda keçirməli olub.

Polşa, F-16 döyüş təyyarələrinin hamısını Blok 72 Viper modelinə yüksəltmək üçün ABŞ ilə 3,8 milyard dollar dəyərində müqavilə imzalayıb. Rusiya-Ukrayna müharibəsinin davam etməsi səbəbilə Polşa hərbi modernləşdirmə səylərini gücləndirib. Polşanın müdafiə naziri Vladislav Kosinyak-Kamyş, imza mərasimində verdiyi açıqlamada ABŞ ilə imzalanan 3,8 milyard dollarlıq modernizasiya sazişinin ölkənin 48 ədəd F-16C/D Block 52+ təyyarəsinin hamısını əhatə edəcəyini bildirib.

Sudan Səhiyyə Nazirliyi son bir həftədə ölkədə 2 min 627 yeni vəba hadisəsinin qeydə alındığını, bu müddətdə 50 nəfərin həyatını itirdiyini açıqlayıb. Məlumata görə, 2024-cü ilin avqustundan bəri ölkədə ümumilikdə 99 min 756 nəfər vəbaya yoluxub, ölənlərin sayı isə 2 min 475-ə çatıb. Uzun sürən yağışlar və daşqınlar xəstəliyin yayılmasını sürətləndirib. Sudan hakimiyyəti 12 avqust 2024-cü ildə vəbanı pandemiya elan edib.

İsrail Baş Qərargah rəisi Eyal Zamir Təhlükəsizlik Kabinetinin qərarından sonra Qəzza şəhərinin işğal planını təsdiqləyib. Ordunun məlumatına görə, Zamir bu barədə ordu komandanlığı və Şin Bet rəhbərliyi ilə görüş keçirib. Bəyanatda qeyd olunub ki, plan siyasi rəhbərliyin göstərişlərinə uyğun olaraq hazırlanıb və təsdiqlənib. Görüşdə həmçinin ordunun son günlər Zeytun məhəlləsinə endirdiyi hücumlar da müzakirə olunub.

Səhər saatlarından başlayaraq həyata keçirilən hücumlarda yeddisi eyni ailənin üzvü olmaqla 25 fələstinli şəhid olub. Tibbi mənbələr və şahidlərin məlumatına görə, İsrail ordusu Qəzza zolağında köçkünlərin çadırlarını, mülki əhalinin evlərini və yardım axtaranların toplandığı yerləri hədəfə alıb.