BAKI, VOA, Nailə Babazadə

İran İslam İnqilabı Keşikçiləri Korpusu (SEPAH) bu səhər Fars körfəzinin şimal hissəsində ABŞ-a məxsus neft tankerinə hücum təşkil etdiyini bəyan edib. SEPAH-ın rəsmi açıqlamasında bildirilir ki, ABŞ, İsrail və bu ölkələri dəstəkləyən Avropa dövlətlərinə məxsus hərbi və ticari gəmilərin bölgədən keçidinə icazə verilməyəcək.

VOA xəbər verir ki, SEPAH sözügedən ölkələrin gəmilərinə qarşı təhdidlərini yeniləyib. Bəyanatda "Müşahidə edildikləri təqdirdə mütləq vurulacaqlar" ifadəsi işlədilərək, Hörmüz boğazındakı keçidlərin nəzarətə alınması ilə bağlı sərt mesajlar verilib.

İnqilab Keşikçiləri beynəlxalq qanunlara və qəbul edilmiş qərarlara əsaslanaraq, müharibə şəraitində İran İslam Respublikasının Hörmüz boğazından keçidləri tam nəzarətdə saxlamaq hüququna malik olduğunu müdafiə ediblər.

Daha əvvəl də bənzər xəbərdarlıqlar edən Tehran rəhbərliyi, boğaz üzərindəki denetim səlahiyyətindən istifadə edəcəyini bir daha vurğulayıb. Bu addım regionda enerji təhlükəsizliyi ilə bağlı narahatlıqları daha da artırıb.