BAKI, AzerVoice, Nailə Babazadə

SpaceX yörüngədəki Starlink süni peyklərindən birinin partladığını və işləməyən vəziyyətə düşdüyünü təsdiqləyib. Şirkət bildirib ki, peykin öz sistemində yaranan texniki nasazlıq nəticəsində itki tankında sızma baş verib və süni peykin yörüngəsi saniyədə təxminən 4 kilometr sürətlə alçalır.

AzerVoice xəbər verir ki, son günlər bu hadisənin Çinə aid bir süni peyk ilə çarpışma səbəbindən baş verdiyi barədə iddialar səsləndirilmişdi. Lakin SpaceX açıqlayıb ki, partlayış heç bir xarici müdaxilə və ya toqquşma nəticəsində olmayıb, yalnız texniki problem səbəbindən baş verib.

Şirkət həmçinin bildirib ki, partlayışdan sonra ortaya çıxan kiçik parçalar digər yörüncə obyektlərinə təhlükə yaratmır və onları izləmək üçün NASA və ABŞ Kosmik Qüvvələri ilə koordinasiyalı işləyir. İşləməyən süni peykin yaxın həftələrdə Yer atmosferinə daxil olaraq tamamilə yanacağı və heç bir risk yaratmayacağı açıqlanıb.

SpaceX qeyd edib ki, peykin hərəkət yolu Beynəlxalq Kosmik Stansiyanın altından keçdiyindən, stansiya və onun heyəti üçün təhlükə yoxdur. Şirkət, peykin Yer səthinə düşmədən əvvəl atmosferdə tamamilə məhv olacağı barədə ictimaiyyətə təminat verib.