Bakı, AzerVoice

Hizbullahın hücumlarına qarşı istifadə edilən Dəmir günbəz raketinin açıq dənizdə patrul gəmisinə dəyməsi nəticəsində bir İsrail əsgərinin öldüyü, iki əsgərin isə yaralandığı bildirilib.

AzerVoice xəbər verir ki, İsrail ordusu sözçüsü tərəfindən verilən açıqlamada Hizbullahın səhər saatlarında həyata keçirdiyi hücumda donanmanın patrul gəmisində olan bir əsgərin öldüyü, birinin yüngül, digərinin isə orta dərəcədə yaralandığı bildirilib.

Bəyanatda əsgərin ölümünün necə baş verdiyi barədə məlumat paylaşılmayıb.

Digər tərəfdən, İsrail mətbuatında yer alan ordunun ilkin araşdırmasına görə, İsrail hava hücumundan müdafiə sistemindən buraxılan müdafiyə raketinin Hizbullaha aid pilotsuz uçuş aparatını vurduğu və partlayış nəticəsində ətrafa yayılan bir qəlpə parçasının patrul gəmisinə dəyməyərək bir əsgərin həlak olmasına səbəb olduğu deyilir.

Qeyd edək ki, xəbərdə Hizbullaha məxsus iki pilotsuz uçuş aparatının (PUA) açıq dənizdə irəlilədiyi də bildirilib.

Xəbərdə Dəmir Günbəzdən atılan raketin hissələrinin patrul gəmisində tapıldığı və seyr halında olan Hizbullaha məxsus İHA-ı təqib edərkən raketin "səhvən" gəmiyə dəymiş ola biləcəyinə dair ikinci ehtimalı nəzərdən keçirdiyi bildirilib.

Nahariyyə şəhəri sahillərində dənizdə bir nəqliyyat vasitəsinə doğru sürətlə göydən düşən raketin orada partlaması ilə bağlı görüntülər sosial mediada paylaşılıb.

İsrail ordusu "Hizbullah"ın İsraili hədəf almağı planlaşdırdığını iddia edərək Livana "önləyici hücum" etdiyini açıqlayıb.

Bunun ardınca Hizbullah iyulun 30-da Beyrutda yüksək rütbəli komandirlərindən biri Fuad Şükürün öldürülməsinə qarşı İsrailə qarşı cavab hücumu təşkil etdiyini açıqlayıb.

Hizbullah cavab hücumunda İsrail ordusuna məsxux nöqtələrin 320 raket və çoxlu sayda pilotsuz uçuş aparatı (PUA) ilə hədəf alındığını bildirib.

İsrail ordusu bu gün səhər saatlarında Livana edilən hücumlarda 100-ə yaxın döyüş təyyarəsinin iştirak etdiyini və İsrailin mərkəzini vurmaq üçün yerləşdirilən 40 raket qurğusunun vurulduğunu iddia edib.