BAKI,VOA,Yusif Şərifzadə
İsrail ordusu gecə yarısından etibarən Livanda Hizbullaha məxsus 150-dən çox hədəfə zərbə endirdiyini bəyan edib.
VOA xəbər verir ki, İsrail ordusu daha əvvəl yaydığı məlumatda gecə ərzində 80 Hizbullah hədəfinin vurulduğunu və təşkilatın onlarla üzvünün öldürüldüyünü iddia etmişdi.
Son açıqlamaya əsasən, hücumların miqyası daha da genişlənib və vurulan hədəflərin sayı 150-ni ötüb. İsrail tərəfi əməliyyatların nəticələri ilə bağlı əlavə təfərrüatlar açıqlamayıb.
Məlumatlar İsrail və Hizbullah arasında atəşkəsin yerli vaxtla saat 16:00-da qüvvəyə minəcəyinə dair xəbərlər fonunda yayılıb. Bununla belə, bölgədə hərbi fəaliyyət və qarşılıqlı ittihamlar davam edir.