BAKI,VOA Yusif Şərifzadə
ABŞ Maliyyə Nazirliyi Hindistanın Adani Enterprises şirkəti ilə İranla bağlı sanksiyaların pozulması ehtimallarına görə 275 milyon dollarlıq razılaşma əldə edildiyini açıqlayıb.
VOA xəbər verir ki, Nazirliyin Xarici Aktivlərə Nəzarət Ofisi (OFAC) bildirib ki, şirkət İran mənşəli olduğu iddia edilən, lakin Oman və İraq qazı kimi təqdim edilən LPG (mayeləşdirilmiş neft qazı) partiyalarını Dubayda yerləşən bir ticarətçidən alıb.
Açıqlamaya görə, bu əməliyyatlar ABŞ-ın İranla bağlı sanksiya rejimini pozan 32 potensial inzibati pozuntu ilə əlaqələndirilir.
Eyni zamanda ABŞ Ədliyyə Nazirliyinin bu işlə bağlı irəli sürülmüş cinayət fırıldaqçılıq ittihamlarını ləğv etməyə yaxın olduğu, Adani şirkətinin isə ABŞ iqtisadiyyatına 10 milyard dollarlıq investisiya vəd etdiyi bildirilib.