Close Menu
    Digər Dövlətlər

    İsrail hücumunda İranın müdafiə naziri və SEPAH komandanının həlak olduğu iddia edilib

    İsrail hücumunda İranın müdafiə naziri və SEPAH komandanının həlak olduğu iddia edilib
    Bizi buradan izləyin və Bizə yazın

    BAKI, VOA, Orxan Qədirzadə

    İsrailin Tehrana endirdiyi zərbələrin yüksək səviyyəli itkilərlə nəticələndiyi bildirilir.

    VOA xəbər verir ki, Reuters agentliyinə danışan üç mənbə İsrail hücumları nəticəsində İranın müdafiə naziri və İslam İnqilabı Keşikçiləri Korpusunun komandanının həlak olduğunu iddia edib.

    Məlumata görə, İsrail tərəfi hücumların bir sıra yüksək vəzifəli İran rəsmilərini hədəf aldığını düşünür. İsrail ordusu açıqlamasında paytaxt Tehranda siyasi və təhlükəsizlik strukturlarının yüksək rəhbərliyinin toplandığı bir neçə obyektə eyni vaxtda zərbələr endirildiyini bildirib.

    Ordunun bəyanatında qeyd olunub ki, hücumların nəticələri hazırda qiymətləndirilir və əməliyyatın digər istiqamətlərə genişlənməsi ehtimalına qarşı tam hazırlıq vəziyyəti saxlanılır.

    Bundan əvvəl İsrail Müdafiə Qüvvələri rəsmi açıqlamasında Tehranda bir neçə hədəfin vurulduğunu təsdiqləmişdi.

    Eyni zamanda İsrailin dövlət yayım qurumu KAN ABŞ-İsrail birgə zərbələrinin İranın ali rəhbərliyini də hədəf aldığını bildirmişdi. İsrailli jurnalistin efir zamanı verdiyi məlumata görə, hədəflər arasında İranın Ali Rəhbəri Əli Xamenei, Prezident Məsud Pezeşkian və Ali Rəhbərin müşaviri, keçmiş müdafiə naziri Əli Şəmxani də olub.

    İsrailin təhlükəsizlik mənbələrindən biri anonim şərtlərlə jurnalistlərə bildirib ki, “ilk zərbədə İsrailin məhvi planlarında iştirak edən yüksək səviyyəli şəxslər hədəf alınıb”.

    Hazırda Tehran tərəfindən rəsmi şəkildə bu itkilərin təsdiqi barədə açıqlama verilməyib.

    Oxşar Xəbərər

    © 2026 Azervoice.