BAKI, AzerVoice, Orxan Qədirzadə
Qətərdə fəaliyyət göstərən on yüksək vəzifəli CEO Forbes Middle East jurnalının açıqladığı “Yaxın Şərqin Top 100 CEO-su” siyahısına daxil edilib.
AzerVoice xəbər verir ki, 18 noyabr 2025-ci il tarixində dərc olunan beşinci illik reytinq bölgənin innovasiya, iqtisadi diversifikasiya və qlobal rəqabət qabiliyyəti istiqamətində irəliləyişinə rəhbərlik edən şəxsləri əhatə edir. Forbes Middle East açıqlamasında bildirib ki, bu nəşrdə regionun inkişafına rəhbərlik edən edən CEO-lar yer alıb və siyahıda BƏƏ və bank sektorunun nümayəndələri üstünlük təşkil edir.
Məlumata əsasən, Qətər Enerji İşləri üzrə Dövlət Naziri və QatarEnergy-nin Prezidenti və İcraçı Direktoru Səad Şeridə əl-Kaabi siyahıda 5-ci, QNB Grupun baş direktoru Abdullah Mübarək əl-Xəlifə isə 9-cu yerdə qərarlaşıb.
Siyahıda yer alan digər qətərli rəhbərlər bunlardır:
Ooredoo Group CEO-su Aziz Alutman Faxru-38-ci yer
Doha Bank Group CEO-su Əbdülrəhman bin Fəhad Al Tani - 58-ci yer
Qatar Financial Centre CEO-su Yusuf əl-Caidə - 62-ci yer
Qatar Islamic Bank Group CEO-su Basel Qamal - 64-cü yer
Qatar Insurance Group CEO-su Salim əl-Mannai - 68-ci yer
Qatar Gas Transport Company (Nakilat) CEO-su Abdullah əl-Sülaiti - 75-ci yer
Qatar Free Zones Authority CEO-su Məhəmməd bin Həməd bin Faysal Al Tani - 81-ci yer
Al Rayyan Tourism Investment Company CEO-su və MD-si Tarek M. əl-Seyid - 84-cü yer
Forbes Middle East qeyd edib ki, qiymətləndirmə CEO-ların regiona, ölkələrinə və xidmət göstərdikləri bazarlara təsiri, onların təcrübəsi və rəhbərlik müddəti, şirkətlərin həcmi, son bir ildə əldə olunan nailiyyətlər və yeniliklər əsasında aparılıb.
2025-ci il siyahısında ümumilikdə 18 müxtəlif millətdən olan CEO-lar yer alıb və bank-maliyyə sektoru üstünlük təşkil edib.