BAKI, AzerVoice
ABŞ prezidenti Donald Tramp yanacaq bazarındakı vəziyyəti izlədiyini bildirib və İranda yaranmış vəziyyətlə bağlı qiymətlərin artmasını məhdudlaşdırmaq məqsədilə neft ixrac edən ölkələrə xəbərdarlıq edib.
AzerVoice xəbər verir ki, bu barədə Tramp, "Truth Social" sosial şəbəkəsində yazıb.
“Hamıya səslənirəm: neft qiymətlərini aşağı səviyyədə saxlayın.
Mən [qlobal yanacaq bazarındakı] vəziyyəti izləyirəm. Siz birbaşa
düşmənə yardım edirsiniz. Bunu etməyin!” – deyə, Tramp
bildirib.
Qeyd edək ki, ABŞ-ın İranın nüvə obyektlərinə zərbə endirməsi və
Yaxın Şərqdəki ümumi gərginlik fonunda analitiklər neft
qiymətlərində ciddi artımın baş verə biləcəyindən narahat
olduqlarını bildiriblər.
Xatırladaq ki, ABŞ Hərbi Hava Qüvvələri iyunun 22-ə keçən gecə İran ərazisində yerləşən Fordo, Nətənz və İsfahan nüvə obyektlərinə hava zərbələri endirib. Hücum nəticəsində hər üç nüvə obyektinin məhv edildiyi qeyd olunub.