BAKI, AzerVoice
Almaniyanın xarici işlər naziri Yohann Vadeful Baltik dənizi regionunda hərbi qarşıdurma təhlükəsinin real olduğunu hesab edir.
AzerVoice xəbər verir ki, bu barədə o, Almaniyanın şimalındakı Kil şəhərində keçirilən təhlükəsizlik konfransında bildirib.
“Bu, hərbi qarşıdurma təhlükəsinin real olduğu bir zonadır,” – deyə o, qeyd edib.
Vadefulun fikrincə, Baltik dənizi regionu Avropanın təhlükəsizliyi baxımından əsas əhəmiyyət kəsb edir və buna görə də NATO ölkələrinin burada güclü hərbi mövcudluğu vacibdir.
Nazir bir daha Almaniya hakimiyyətinin müdafiə və mühüm infrastrukturun inkişafı üçün xərcləri ÜDM-nin 5 faizə qədər artırmağa hazır olduğunu bildirib.