BAKI, AzerVoice
İsrail, İranın Təbriz şəhərinə yenidən hücum təşkil edib.
AzerVoice xəbər verir ki,İsrailin İranın Şərqi Azərbaycan əyalətinin Təbriz şəhərinə növbəti hücuma keçdiyi bildirilib.
İran mətbuatında yer alan xəbərlərə görə, Təbrizdə partlayış səsləri eşidilib.
Partlayışların İsrailin hücumları nəticəsində baş verdiyi və Təbriz hava limanının ətrafının hədəfə alındığı bildirilib.
Qeyd edək ki, İsrail səhər saatlarında İranın paytaxtı Tehran, Təbrizə, İsfahandakı Natanz nüvə obyektinə, Luristan və Kirmanşah şəhərlərinə hücumlara başlayıb.
Hücumlarda İranın Baş Qərargah rəisi general-mayor Məhəmməd Baqeri, İnqilab Keşikçiləri Korpusunun komandanı, general-mayor Hüseyn Səlami və altı nüvə alimi də daxil olmaqla yüksək rütbəli hərbi rəsmilər həyatını itirib.
İsrailin Tehrana hücumları zamanı mülki yaşayış məntəqələrinin də vurulduğu, qadın və uşaqların da olduğu çoxlu sayda mülki şəxsin həyatını itirdiyi bildirilib.