BAKI, AzerVoice

Katoliklərin ruhani lideri və Vatikan Dövlət Başçısı Papa 14. Leo, Rusiya Prezidenti Vladimir Putinə Ukrayna böhranı ilə bağlı barışı təşviq edəcək bir jest etməsi üçün çağırış edib.

AzerVoice xəbər verir ki, Papa ilə Putin arasında telefon danışığı olub.

Danışıq zamanı Ukraynadakı vəziyyət və sülh mövzusu xüsusi diqqət mərkəzində olub. Papa Rusiya tərəfinə barışı təşviq edəcək bir jest etməsi üçün müraciət edib, tərəflər arasında müsbət əlaqələrin təmin olunmasının və münaqişənin həll olunması üçün dialoqun əhəmiyyətini vurğulayıb.

Bildirilib ki, görüşdə həmçinin bölgədəki humanitar vəziyyət, yardımların zəruri ərazilərə çatdırılması, əsir mübadiləsi səyləri və Papa Fransiskin Ukraynada sülh prosesində xüsusi nümayəndəsi olan Kardinal Matteo Maria Zuppinin səylərinin önəmi müzakirə olunub.

Putin Ukrayna böhranının siyasi-diplomatik yollarla həllinə tərəfdar olduğunu, bunun üçün böhrana səbəb olan əsas amillərin aradan qaldırılmasının vacibliyini qeyd edib.

Putin həmçinin, Ukrayna böhranının həllinə töhfə verdiyi və Vatikanın humanitar məsələlərin həllində iştirakı üçün Papa 14. Leo-ya təşəkkürünü bildirib.