BAKI, AzerVoice
Hindistanın “Sindoor əməliyyatı” nəticəsində 15-i uşaq olmaqla 40 mülki şəxs həlak olub.
AzerVoice xəbər verir ki, Pakistan
Ordusunun İctimaiyyətlə Əlaqələr Departamenti (ISPR) Hindistanın
Pakistan ərazisinə endirdiyi hücumla bağlı yeni açıqlama yayıb.
Məlumata görə, 15-i uşaq, 7-si qadın olmaqla 40 mülki şəxs həyatını
itirib, 121 nəfər yaralanıb. Həmçinin 11 hərbçi həlak olub, 78-i
isə yaralanıb.
Açıqlamada Pakistanın suverenliyinə və ərazi bütövlüyünə yönəlmiş istənilən hücuma “çevik və qətiyyətli cavab veriləcəyi” vurğulanıb.
Qeyd edək ki, aprelin 22-də Hindistanın Pahalqam rayonunda 26 nəfərin öldüyü terror aktından sonra Hindistan mayın 6-da Pakistan və Azad Kəşmir bölgəsinə raket zərbələri endirib. Qarşılıqlı toqquşmalardan sonra tərəflər ABŞ-ın vasitəçiliyi ilə mayın 10-da atəşkəs razılaşmasına gəlib. Hindistanın Baş naziri Narendra Modi dünən “Sindoor əməliyyatı”nın dayandırıldığını açıqlasa da, zərurət yaranacağı halda yenidən başlaya biləcəyini bildirib.