BAKI, AzerVoice

Çin Əmək Resursları və Sosial Təminat Nazirinin müavini Yu Ciadun, ABŞ-ın prezidenti Donald Tramp administrasiyası tərəfindən tətbiq edilən gömrük rüsumlarının ölkənin bəzi biznes sahələrinə mənfi təsir etdiyini bildirib.

AzerVoice xəbər verir ki, Yu Ciadunun sözlərinə görə, xarici ticarət sahəsində fəaliyyət göstərən bir sıra şirkətlər istehsal və iş prosesində çətinliklərlə üzləşib, bu da bəzi işçilərin məşğulluğuna təsir göstərib.

O qeyd edib ki, məşğulluğa təzyiq artsa da, birinci rübdə ölkədə işsizlik vəziyyəti sabit qalıb.

Çin rəhbərliyi isə Çin Kommunist Partiyası Mərkəzi Komitəsi və Dövlət Şurasının planlarına uyğun olaraq iş yerlərinin artırılması üçün səylərini davam etdirəcək.

Qeyd edək ki, ABŞ-ın Çindən idxal olunan mallara tətbiq etdiyi gömrük rüsumlarının ümumi səviyyəsi 145 faizə çatıb. Çin isə cavab olaraq bəzi məhsullar üçün tarifləri sıfırlasa da, ümumi gömrük rüsumlarını 125 faizə qədər yüksəldib.

Bundan əvvəl Çin rəsmiləri digər ticarət tərəfdaşlarına Vaşinqtonun təzyiqlərinə boyun əyməməyi tövsiyə edib. ABŞ isə digər ölkələrə Çinlə ticarəti məhdudlaşdırmaq qarşılığında Amerika rüsumlarından azad edilmə təklifləri irəli sürür.