Bakı, AzerVoice

Şotlandiya hökuməti Qəzzada sülh danışıqlarında real irəliləyiş əldə olunana qədər Böyük Britaniyadakı yüksək vəzifəli İsrail diplomatları ilə əlaqəni dayandırdığını açıqlayıb.

AzerVoice xəbər verir ki, Böyük Britaniyanın tərkibində olan Şotlandiya hökumətinin xarici işlər naziri Anqus Robertson, İsrailin Londondakı səfirliyinin müavini Daniela Qrudski ilə görüşündən sonra gələn tənqidlər nəticəsində yazılı açıqlama verib.

Robertson, İsrail diplomatı ilə görüşün qarşı tərəfin tələbi ilə keçirildiyinə diqqət çəkərək, bunun Şotlandiya hökumətinə "Qəzzada dərhal atəşkəsin təmin edilməsinin vacibliyinə dair aydın və dəyişməz mövqeyini" yenidən ifadə etmək imkanı verdiyinə diqqət çəkib.

Bəzi şəxslərin bu görüşün sadəcə Qəzzada atəşkəs danışıqları ilə məhdudlaşmadığını iddia etməsindən təəssüfləndiyini bildirən Robertson, heç kimin bu görüşün İsrail hökumətinin Qəzzadakı hərəkətlərini qanuniləşdirmək kimi təqdim edilməsini nəzərdə tutmadığına diqqət çəkib.

Şotlandiya hökumətinin Qəzzadakı vəhşiliyi birmənalı şəkildə qınamaqda qərarlı olduğunu vurğulayan Robertson, "Lakin həqiqət budur ki, bu görüş bir çox insan tərəfindən İsrail və Şotlandiya hökumətləri arasında münasibətlərin normallaşması kimi qəbul edildi",-deyə o bildirdi.

Robertson fövqəladə atəşkəslə bağlı Şotlandiyanın mövqeyinin İsrail hökuməti ilə birbaşa görüşərək qarşı tərəfə çatdırıldığı üçün "yeni görüş dəvətini qəbul etməyin məqsədəuyğun olmadığını" bildirib.

"Bizim mövqeyimiz sülhə doğru real irəliləyiş əldə olunana, humanitar yardıma maneəsiz çıxış əldə olunana və İsrail soyqırım və müharibə cinayətlərinin araşdırılması ilə bağlı beynəlxalq öhdəlikləri ilə bağlı tam əməkdaşlıq edənə qədər davam edəcək. Şotlandiya hökuməti bu dövrdə İsraillə münasibətlərin normallaşmasının tərəfdarı deyil. Şotlandiya hökuməti Qəzzada dərhal atəşkəs elan edilməsini, bütün əsirlərin sərbəst buraxılmasını, İsrailə İngiltərə tərəfindən silah göndərilməsinə son verilməsini və iki dövlətli həll çərçivəsində suveren Fələstin dövlətinin tanınmasını dəstəklədiyini ifadə etməkdən əsla geri çəkilməyəcəkdir",- deyə Robertson sözlərinə əlavə edib.

Qeyd edək ki, Robertsonun israilli diplomat Qrudski ilə görüşündən sonra Şotlandiya hökuməti tənqid edilmişdi.