Bakı,AzerVoice

İŞİD terror təşkilatı Əfqanıstanda baş verən partlayışa görə məsuliyyəti öz üzərinə götürüb.

AzerVoice xəbər verir ki,bu barədə İŞİD tərəfi açıqlama verib.

Açıqlamada, bazar günü həyata keçirilən və şiə azlığı hədəf alan partlayışda təxminən 13 nəfərin öldüyü iddia edib.

Kabil polis nümayəndəsi Xalid Zadran baş vermiş hadisə ilə bağlı verdiyi açıqlama şəhərin qərbində baş verən partlayış nəticəsində bir mülki şəxsin öldüyünü 11 nəfərin isə yaralandığını bildirib.

Partlayışın Dəşti Barçi məhəlləsində baş verdiyini qeyd edən Zadran polisin hadisəni araşdırdığını bildirib.

Qeyd edək ki, bundan öncədə öncə də Kabilin Dəşti Barçi rayonu Əfqanıstandakı İŞİD qrupları tərəfindən dəfələrlə hücuma məruz qalmışdı. Təşkilat tərəfindən məktəblərə, xəstəxanalara və məscidlərə bombalı hücumlar həyata keçirilmişdi.

Onu da əlavə edək ki, Deşti Barçı bölgəsinin əhalisini azsaylı xalqlarından olan hazralar təşkil edir.

Talibanın 2021-ci ilin avqustunda hakimiyyəti ələ almasından bu yana İŞİD terror təşkilatı tərəfindən əksəriyyəti mülki şəxslərə yönəldilmiş çoxsaylı terror aktı həyata keçirilmişdir.