Bakı,AzerVoice

Milan prokurorluğu tərəfindən aparılan araşdırmalar nəticəsində iddia edilən qeyri-qanuni subpodrat sxemi aşkarlanıb.

AzerVoice xəbər verir ki, İtaliyanın maliyyə polisi ABŞ mərkəzli e-ticarət şirkəti olan Amazon-u vergi fırıldaqçılığı və işçi istismarında ittiham edərək Milanda yerləşən Amazon filialından 121 milyon avro (4,3 milyard TL) müsadirə edib.

Polis böyük şirkətlərin işçi xərclərini azaltmaq və daha az vergi ödəmək üçün öz logistik xidmətlərini qeyri-qanuni şəkildə şirkətlərə subpodratçı olaraq verdiyi bir sistem olduğu iddiasını araşdırır.

Müsadirə qərarında vergi saxtakarlığının kağız üzərində qeyd edilən, lakin icra olunmayan saxta müqavilələrdə olduğu kimi “qanunsuz hesab-faktura mexanizmi” ilə baş verdiyi bildirilib.

Qeyd edək ki, Amazon bu ilin əvvəlində də haqsız rəqabət fəaliyyətinə görə İtaliyanın maliyyə polisinin radarına düşmüşdü.

Ölkənin rəqabət şurası, müştərilərə tez-tez alınan məhsulların təkrar çatdırılmasını təşkil etməyə imkan verən “Abunə ol və Saxla” seçiminə görə Amazon-un iki filialını 10 milyon avro (təxminən 355 milyon TL) cərimələmişdi.

İtaliya rəsmilərinin fikrincə, bu funksiyanın avtomatik olması istehlakçıların hüquqlarının pozulması hesab olunur.