Bakı, VOA
Yaponiya höküməti İsrailin İordan çayının qərb sahilində ələ keçirdiyi yaşayış məntəqələrini genişləndirmək planından narahat olduğunu bildirib.
VOA xəbər verir ki, bu barədə Yaponiya Xarici İşlər Nazirliyi bəyanat yayıb.
Bəyanatda, İsrailin İordan çayının qərb sahilində 5 qeyri-qanuni yaşayış məntəqəsinin leqallaşdırılması planı tənqid olunur.
“İsrailin məskunlaşma fəaliyyəti beynəlxalq hüququ pozur və iki dövlətli həll yolunun mümkünlüyünü zəiflədir. Yaponiya İsrail hökumətini bu qərarını geri götürməyə qətiyyətlə çağırır”, - deyə bəyanatda qeyd olunub.
Qeyd edək ki, İyunun 28-də İsrail Təhlükəsizlik Kabineti, maliyyə naziri Bezalel Smotriçin tələbi ilə İordan çayının qərb sahilində 5 qeyri-qanuni yaşayış məntəqəsinin leqallaşdırılmasını təsdiqləyib.
