Bakı. AzerVoice:
Yəmənin husi üsyançıları İsrail limanlarına gedən gəmilərə hücumları artırmağı planlaşdırır.
AzerVoice-in məlumatına görə, bu barədə qruplaşmanın lideri Əbdül-Malik Əl-Husi deyib.
"Əməliyyatımızın dördüncü mərhələsi davam edir. O, həm kəmiyyət, həm də keyfiyyətcə artacaq", -deyə o bildirib.
Əl-Husi qeyd edib ki, onun məlumatına görə, husilər noyabr ayından bəri Yəmən bölgəsində 129 gəmiyə hücum ediblər. Bu həftə üsyançılar Qırmızı, Ərəbistan, Aralıq dənizi və Hind okeanlarında gəmilərə qarşı 12 əməliyyat keçirib.
