Bakı. AzerVoice:
Taylandda isti hava səbəbindən 60-dan çox insan ölüb.
AzerVoice xəbər verir ki, bu barəədə Tayland Səhiyyə Nazirliyi açıqlama verib.
Qeyd edilib ki, Taylandda 2024-cü ilin əvvəlindən bəri həddindən artıq istilər səbəbindən 61 nəfər ölüb.
Açıqlamada havanın temperaturunun 40 dərəcəni keçdiyi paytaxt və ətrafı və şimal-şərq rayonları üçün istilər xəbərdarlığı edilib, yaşlı və xroniki xəstələr isti vurmağa qarşı diqqətli olmağa çağırılıb.
Ölkənin şimalındakı Lampanq bölgəsində həftə ərzində temperatur 44,2 dərəcəyə yüksələrək 2023-cü ilin milli temperatur rekorduna 44,6 dərəcə yaxınlaşıb.
Qeyd olunur ki, El Nino hava fenomeni ilin ən isti dövrünü yaşayan Cənub-Şərqi Asiya ölkələrində istidən ölüm riskini artırır.
Hafiz Rufizoğlu
Xəbərlərimizi “WhatsApp” kanalımızdan oxuyun
