BAKI, AzerVoice
Rusiyanın enerji nəhəngi Qazprom Avropanın yayda qaz anbarlarını doldurmaqda çətinlik çəkəcəyini bildirib.
AzerVoice xəbər verir ki, Qazprom-un
açıqlamasına görə, Avropa ölkələri qaz ehtiyatlarını sürətlə
tükədir və martın 31-nə olan məlumata əsasən, anbarlarda cəmi 34,3
milyard kubmetr qaz qalıb.
Şirkət Avropanın etibarlı qaz tədarükçülərinin azaldığını və
qarşıdan gələn qış üçün hazırlığın çətinləşəcəyini vurğulayıb.
Qeyd edək ki, Ukrayna müharibəsindən əvvəl Avropanın əsas qaz tədarükçüsü olan Qazprom 2021-ci ildə 201,7 milyard kubmetr qaz nəql etmişdi. Lakin sanksiyalar səbəbindən ABŞ, Qətər və Norveç kimi LNG tədarükçülərinə müştərilərini itirən şirkət 2023-cü ildə Avropaya cəmi 15 milyard kubmetr qaz göndərib.