BAKI, AzerVoice

Filippin Hərbi Hava Qüvvələrinə (PAF) məxsus FA-50 döyüş təyyarəsi havadan dəstək missiyası çərçivəsində uçuş həyata keçirərkən, hədəf əraziyə çatmadan bir dəqiqə əvvəl əlaqə kəsildiyi bildirilib.

AzerVoice xəbər verir ki, Filippin Hərbi Hava Qüvvələri itkin döyüş təyyarəsinin yerini müəyyənləşdirmək üçün genişmiqyaslı axtarış əməliyyatları həyata keçirir.

PAF-ın rəsmi açıqlamasına görə, təyyarə hədəfə yaxınlaşan zaman digər döyüş təyyarələri ilə əlaqəni itirib. Digər təyyarələr hadisə baş verənə qədər itkin FA-50 ilə rabitəni bərpa etməyə çalışıblar.

PAF bütün imkanlarını səfərbər edərək axtarış əməliyyatlarını davam etdirir.

Filippin Ordusunun sözçüsü polkovnik Louie Dema-ala bildirib ki, itkin düşən FA-50 Mindanao bölgəsində kommunist üsyançı qrup olan Yeni Xalq Ordusu ilə döyüşən qoşunlara havadan dəstək vermək üçün göndərilib.

Döyüş təyyarələri Filippinin ikinci ən böyük şəhəri olan Sebu hava limanı ilə uçuş-enmə zolağını paylaşan Maktan-Benito Ebuen Hava Bazasından havaya qalxıb.