Bakı. AzerVoice:

Şuşada 36 ölkədən 150-dən çox gənc bir araya gəlib

AzerVoice xəbər verir ki, ilk dəfə İstanbulda bir araya gələn İslam Əməkdaşlıq Gənclər Forumu (ICYF) 36 ölkədən 150-dən çox gəncin iştirakı ilə bu dəfə Şuşada keçirilir.

Proqramda ICYF prezidenti Ayhan “Şuşanın azadlığı Fələstin üçün bir ilhamdır” deyib.

ICYF və Azərbaycan Respublikası Gənclər və İdman Nazirliyinin birgə əməkdaşlığı ilə həyata keçirilən “Şuşa İslam Əməkdaşlıq Təşkilatının Gənclər Paytaxtı 2024 Beynəlxalq Proqramı” Şuşada keçirilən mərasimlə başlayıb. Mərasimdə çıxış edən ICYF prezidenti Taha Ayhan azadlıq mübarizəsindən sonra Şuşanın qələbəsinin Fələstin üçün də ilham verdiyini bildirib.

Qeyd edək ki, ICYF hər il İslam Əməkdaşlıq Təşkilatına üzv ölkələrdən bir şəhəri “Gənclər Paytaxtı” olaraq seçir və il boyu bu şəhərdə beynəlxalq tədbirlər təşkil edir. Bu dəfə Şuşa İslam Əməkdaşlıq Təşkilatının 10-cu Gənclər Paytaxtına ev sahibliyi edir.

ICYF prezidenti Taha Ayhan Şuşanın xilas hekayəsini gənclər vasitəsilə bütün dünyaya çatdırmağı hədəflədiklərini vurğulayıb. O Şuşanı azad edən Azərbaycan prezidenti İlham Əliyevi də yad etdikdən sonra Fələstindəki iztirablara da son qoulması üçün çağırış edib. “Müsəlman ümmətinin bütün dünyada çəkdiyi əziyyətləri heç vaxt unutmayaq” deyən Ayhan, “Fələstində günahsız uşaqların, yaxınlarını itirən ailələrin və günahsız insanların qətliamından çox kədərlənirik. Davam edən faciələr göstərir ki, biz bacı-qardaşlarımızla səmimi həmrəylik və empatiya nümayiş etdirməliyik. Lakin biz Şuşanın azad edilməsindən və müsəlman dünyasında işğal altında olan digər bir çox torpaqların azadlığına qovuşmasından ilham alırıq.” deyə bildirib.