Beynəlxaq KİV tərəfindən əldə edilən son rəqəmlər və peyk görüntüləri göstərir ki, ABŞ-ın İrana qarşı tətbiq etdiyi sərt dəniz blokadasına baxmayaraq, xeyli sayda neft tankeri hələ də beynəlxalq sularda hərəkət edərək İran neftini dünya bazarlarına daşımağa davam edir. Bu vəziyyət Tramp administrasiyasının "maksimum təzyiq" strategiyasının praktiki tətbiqində ciddi boşluqların olduğunu göstərir.

İsrail və Türkiyə vətəndaşlığı olan Cessika Beçer İstanbulda saxlanıldıqdan sonra ABŞ tərəfinin müraciəti nəticəsində sərbəst buraxılıb və daha sonra üçüncü ölkə vasitəsilə İsrailə göndərilib.

Qəzzaya humanitar yardım aparan “Azadlıq” donanmasının iki aparıcı aktivisti İsrail tərəfindən saxlanılaraq ölkəyə aparılıb. İsrail rəsmilərinin açıqlamasına görə, beynəlxalq sularda saxlanılan donanmanın rəhbərlərindən olan fələstin əsilli İspaniya vətəndaşı Səif Əbukəşək və Braziliya vətəndaşı Tiaqo Avila sorğu-sual üçün İsrailə gətirilir.

Birləşmiş Ərəb Əmirlikləri, xüsusilə Dubay, xarici investorlar üçün cəlbediciliyini artırmaq məqsədilə daşınmaz əmlak əsaslı viza proqramlarını daha da sadələşdirib. Yeni qaydalar çərçivəsində Dubayda əmlak alan investorlar üçün həm qısamüddətli, həm də uzunmüddətli yaşayış vizası imkanları genişləndirilib. Hazırda investorlar üçün əsasən iki viza növü mövcuddur: 2 illik yaşayış vizası və 10 illik “Qızıl Viza”.

Birləşmiş Ərəb Əmirlikləri regiondakı gərginlik fonunda vətəndaşlarının bəzi ölkələrə səfərinə məhdudiyyət tətbiq edib. [lkənin Xarici İşlər Nazirliyi BƏƏ vətəndaşlarının İran İslam Respublikası, Livan Respublikası və İraq Respublikasına səfərinə qadağa qoyulduğunu açıqlayıb.

İsrailin nüfuzlu "Maariv" qəzeti həm Vaşinqton, həm də İsraildəki məlumatlı mənbələrə istinadən xəbər verir ki, ABŞ-ın yeni seçilmiş prezidenti Donald Tramp ilə İsrailin baş naziri Benyamin Netanyahu arasındakı münasibətlərdə ciddi soyuqluq müşahidə olunur. VOA xəbər verir ki, məlumata görə, son günlərdə bu mövzu hər iki ölkənin siyasi dairələrində ən çox müzakirə edilən məsələyə çevrilib.

İsrail ordusunun 17 apreldə qüvvəyə minən atəşkəs razılaşmasına baxmayaraq, Livanın cənubundakı müxtəlif yaşayış məntəqələrinə təşkil etdiyi şiddətli hücumlarda həlak olanların sayı 15-ə çatıb. Livanın rəsmi NNA agentliyinin məlumatına görə, İsrail ordusunun gün ərzində həyata keçirdiyi hava zərbələri nəticəsində ciddi itkilər qeydə alınıb. Livan Səhiyyə Nazirliyi bildirib ki, günortadan əvvəl Cebşit, Tulin və Haruf qəsəbələrinə təşkil edilən hücumlarda 2-si uşaq olmaqla 9 nəfər həyatını itirib, 23 nəfər isə yaralanıb.

İsrail hökumətinə yaxın mənbələr Qəzza ilə bağlı yeni və mübahisəli planların gündəmdə olduğunu göstərən məlumatlar yayıb. İsrailin baş naziri Benyamin Netanyahunun beynəlxalq məsələlər üzrə müşaviri Karolin Qlikin Qəzza sakinlərinin başqa ölkələrə köçürülməsi ilə bağlı təşəbbüslər irəli sürdüyü iddia olunur.

ABŞ prezidenti Donald Tramp İranla bağlı sərt bəyanatla çıxış edərək Tehranın dərhal təslim olmalı olduğunu bildirib və bu açıqlama Yaxın Şərqdə gərginliyi daha da artırıb. Tramp eyni zamanda İranla danışıqların davam etdiyini, lakin prosesin artıq birbaşa deyil, telefon vasitəsilə aparıldığını qeyd edib. ABŞ nümayəndə heyətinin Pakistana planlaşdırılan səfərinin ləğv edilməsi isə diplomatik prosesdə qeyri-müəyyənliyin artdığını göstərir.

Birləşmiş Ərəb Əmirlikləri (BƏƏ) hökuməti ölkədə çalışan işçilərin yaşayış şəraitini yaxşılaşdırmaq və beynəlxalq standartlara uyğunlaşdırmaq məqsədilə yeni və daha sərt qaydalar toplusunu qüvvəyə mindirib. Bu yeni tənzimləmələr həm işəgötürənlərin öhdəliklərini artırır, həm də işçilərin sağlamlıq və təhlükəsizlik hüquqlarını ön plana çıxarır.

Suriya Daxili İşlər Nazirliyi keçmiş prezident Bəşşar Əsəd rejimi dövründə "Ceyşul-İslam" qruplaşmasının lideri Zahran Alluşun ölümü ilə nəticələnən hava hücumunu həyata keçirən pilotların etiraflarını yayımlayıb. Bu sənəd illərdir müəmmalı qalan əməliyyatın detallarını ilk dəfə ictimaiyyətə açıqlayır.

Birləşmiş Ərəb Əmirlikləri (BƏƏ) tərəfindən 1 may 2026-cı il tarixindən etibarən həm OPEC, həm də OPEC+ alyansından rəsmən çıxmaq qərarı, qlobal enerji bazarlarında ciddi qeyri-müəyyənlik dalğası yaradıb. Bu addım təkcə bir ölkənin təşkilatdan ayrılması deyil, həm də onilliklər ərzində formalaşmış "kollektiv intizam" imicinə endirilən ən böyük zərbələrdən biri hesab olunur. Xüsusilə Yaxın Şərqdə davam edən gərginliklər və Hörmüz boğazındakı risklər fonunda, Əbu-Dabinin bu qərarı neft bazarlarının idarəolunma mexanizmini kökündən dəyişə bilər.