BAKI,VOA,Yusif Şərifzadə
Hizbullah Livanın ərazisini və xalqını İsrail hücumlarına qarşı müdafiə edəcəyini bildirib.
VOA xəbər verir ki, təşkilat düşmənini 16 aprel tarixindən qüvvədə olan atəşkəsi pozmaqda ittiham edib.
“İslami Müqavimət hər hansı təcavüzə qarşı daim ayıq olacaq. Döyüşçülərimiz torpaqlarını və xalqını müdafiə edəcək”, – deyə İran dəstəkləyən silahlı qrup açıqlamasında bildirib. Təşkilat İsrailin atəşkəsi pozduğuna dair iddialarını rədd edib və “düşmən heç vaxt atəşkəs razılaşmalarına əməl etməyib” sözlərini əlavə edib.
Əvvəl xəbər verilmişdi ki, Benyamin Netanyahu İsrail qüvvələrinin Livanda “lazım olduğu müddətcə” qalacağını və Hizbullahın hücumları üçün ağır qiymət ödəyəcəyini vəd etmişdi.
ABŞ-İran Anlaşma Memorandumunda Livana hücumların dayandırılması tələb olunsa da, İsrail ordusu ölkənin cənubunda Hizbullah döyüşçülərinə və infrastrukturuna qarşı hücumları davam etdirəcəyini bildirib.