BAKI,VOA, Fərid Mikayılov
Livanın Baş naziri Nəvaf Salam paytaxt Beyrutda çıxışı zamanı ölkədə vəziyyətin “çox kritik” olduğunu bildirib.
VOA xəbər verir ki, onun sözlərinə görə, İsrail ordusunun ölkənin cənubunda həyata keçirdiyi hərbi əməliyyatlar nəticəsində humanitar böhran daha da dərinləşib.
Baş nazir qeyd edib ki, hazırda ölkədə məcburi köçkünlərin sayı 1 milyonu ötüb və bu insanlar “heç bir aidiyyətləri olmayan bir müharibənin əsas qurbanlarıdır”.
Nəvaf Salam eyni zamanda cənub bölgələrində qalan vətandaşlara təşəkkürünü bildirib, onların cəsarətini yüksək qiymətləndirərək dövlətin onları dəstəkləyəcəyini və bütün zəruri ehtiyacların qarşılanması üçün səylərin davam etdiriləcəyini vurğulayıb.