BAKI,VOA, Nailə Babazadə
Qəzzadakı Fələstin Səhiyyə Nazirliyinin yaydığı rəsmi bəyanatda 2023-cü ilin oktyabr ayından bəri davam edən hərbi əməliyyatların ağır nəticələri açıqlanıb.
VOA xəbər verir ki, son məlumatlara görə, bölgədə həyatını itirənlərin ümumi sayı 72 min 280-ə çatıb. Eyni zamanda, yaralıların sayının 172 min 14 nəfərə yüksəldiyi bildirilir.
Məlumata görə, son 24 saat ərzində daha əvvəl yaralanan 2 nəfər vəfat edib. Qeyd olunur ki, 10 oktyabr 2025-ci ildə atəşkəs elan edilməsinə baxmayaraq, həmin tarixdən bu yana baş verən insidentlərdə 704 nəfər həyatını itirib, 1914 nəfər isə yaralanıb. Həmçinin bu müddət ərzində dağıntılar altından 756 nəfərin cənazəsi çıxarılıb.
Səhiyyə rəsmiləri Qəzza Zolağında minlərlə insanın hələ də dağıntılar altında qaldığını vurğulayırlar. Dağılmış binaların altından cənazələrin çıxarılması və itkin düşənlərin tapılması istiqamətində çətinliklərin davam etdiyi qeyd olunur.