BAKI, AzerVoice, Nailə Babazadə
Tel-Əviv rəhbərliyi, Qəzza zolağına tətbiq olunan qanunsuz blokadanı yarmaq və bölgəyə humanitar yardım çatdırmaq istəyərkən İsrail ordusunun hücumuna məruz qalan Əzm Donanmasıdan saxlanılan 171 fəalı ölkədən çıxardığını açıqlayıb.
AzerVoice xəbər verir ki, İsrail Xarici İşlər Nazirliyinin ABŞ-əsaslı X sosial media platformasındakı rəsmi hesabında yayımlanan yazılı açıqlamada, deportasiya olunan fəalların Yunanıstan və Slovakiyaya göndərildiyi bildirilib.
Sərhəddən çıxarılanlar arasında İsveçli ətraf mühit fəalı Greta Tunberqin də olduğu qeyd edilib. Açıqlamada, Tunberq və digər bəzi fəalların hava limanında deportasiya zamanı çəkilmiş fotoları da paylaşılıb. Həmin fotolarda fəalların eyni formalı, tək rəngli geyimdə olmaları diqqət çəkib.
Qeyd edək ki, İsrailin blokadasını yarmaq və Qəzzaya humanitar yardım çatdırmaq məqsədilə yola çıxan Əzm Flotiliyası, 1 oktyabr axşamı Qəzza sularına yaxınlaşıb.
Flotilyaya hücum edən İsrail ordusu, onlarla qayığı və gəmini qanunsuz şəkildə ələ keçirərək yüzlərlə sərnişini saxlayıb.
Əzm Flotiliyası bu günə qədər Qəzzaya humanitar yardım aparmaq üçün birlikdə yola çıxan ən böyük donanma olaraq tarixə düşüb.