BAKI, AzerVoice, Nailə Babazadə
İraq Baş Naziri Məhəmməd Şia əs-Sudani, Bağdatı ziyarət edən İran Milli Təhlükəsizlik Yüksək Şurası sədri Əli Laricani ilə görüşüb.
AzerVoice xəbər verir ki, görüşdə Sudani, İraqın İsrailin İran əleyhinə hücumlarını rədd etdiyini və bölgədə və beynəlxalq səviyyədə qarşıdurmaların artmasına səbəb olacaq addımlara qarşı olduğunu vurğulayıb. Eyni zamanda İraqın ABŞ-İran dialoquna dəstək verdiyi təsdiqlənib.
Həmçinin, iki ölkə sərhədlərinin təhlükəsizliyi ilə bağlı təhlükəsizlik anlaşması imzalanıb.
Əli Laricani, hökumətinin iki ölkə arasındakı münasibətləri bütün sahələrdə inkişaf etdirmək və davam etdirmək istəyini ifadə edib. O, xüsusilə sərnişin daşımaları üçün dəmiryolu əlaqələrinin gücləndirilməsi, bölgədə böyük nəqliyyat koridorlarının və İnkişaf Yolu layihəsinə inteqrasiya məsələlərinə önəm verdiklərini bildirib.
Laricani həmçinin Bağdatda İraq Prezidenti Abdullatif Rəşid və İraq Milli Təhlükəsizlik müşaviri Qasım Araci ilə də görüş keçirib.