BAKI, AzerVoice, Zeynəb Raminqızı
Vaşinqton, Fələstin rəhbərliyini bir neçə fələstinli məmura viza qadağası tətbiq etib.
AzerVoice xəbər verir ki, bu barədə ABŞ Dövlət Departamenti Konqresə göndərdiyi rəsmi bildirişdə bildirilib.
Bildirişdə qeyd olunub ki, Fələstin Azadlıq Təşkilatı (FAT) və Fələstin Muxtariyyəti (PA) 1989 və 2002-ci illərdə götürdükləri öhdəliklərə əməl etməyiblər.
Açıqlamada bildirilir ki, fələstinli rəsmilər “regional sülhü təhlükə altına salacaq” addımlar atıb, həmçinin Beynəlxalq Cinayət Məhkəməsi (BCC) və Beynəlxalq Ədalət Məhkəməsi (BƏM) kimi beynəlxalq qurumlar vasitəsilə İsraillə münaqişəni beynəlmiləlləşdirməyə çalışıblar. ABŞ administrasiyası onları “terrorizmi dəstəkləməkdə” ittiham edərək, barələrində viza qadağası tətbiq edib.
Dövlət Departamenti bu addımın regionda sülh və sabitliyi qorumaq məqsədi daşıdığını və ABŞ-ın uzunmüddətli diplomatik strategiyasına uyğun olduğunu vurğulayıb.