Bakı. AzerVoice:
Qəzza iqtisadiyyatı 2023-cü ilin dördüncü rübündə 80 faizdən çox azalıb.
AzerVoice-un məlumatına görə, Dünya Bankı İsrailin hücumlarının Fələstin iqtisadiyyatına təsirləri ilə bağlı hesabat dərc edib.
Hesabatda 2023-cü ilin oktyabr ayından Qəzzaya edilən hücumların böyük insan tələfatına səbəb olduğu və hücumların Fələstin iqtisadiyyatına da əhəmiyyətli təsirləri olduğu açıqlanıb.
Hesabatda qeyd olunub ki, qarşıdurmaların bölgədəki əhali üzərində qalıcı təsirlər qoyması, Qəzzada əvvəllər mövcud olan humanitar böhranı daha da şiddətləndirəcək və həm Qəzzada, həm də İordan çayının qərb sahilində iqtisadi çətinlikləri əhəmiyyətli dərəcədə artıracaq.
Hesabatda Qəzzada yaşayan təxminən 1,7 milyon fələstinlinin dəfələrlə məcburi köçkünə çevrildiyi və Qəzzanın bütün əhalisinin, yəni 2,3 milyonunun qida, su, elektrik, yanacaq və dərman çatışmazlığından əziyyət çəkdiyi bildirilib.
Bankın hesabatında “Müşahidə olunan əsas vəsaitlərin zədələnməsi və məhv olması səviyyəsi fəlakətlidir” kimi qiymətləndirilib.
Hesabatda münaqişənin on minlərlə evin dağılması ilə nəticələndiyi və 1,2 milyondan çox insanın evsiz qaldığı, münaqişənin səhiyyə sektoruna da təsir etdiyi, Qəzzada 36 xəstəxananın yalnız 1/3-nin qismən işlək vəziyyətdə olduğu və qalanlarında isə elektrik enerjisinin verilişində nasazlıq yaranıb və ya problem yaranıb, buna görə bağlandığı bildirilib.
Hesabatda çoxölçülü yoxsulluğun göstəricisi olan qeyri-pul rifah şəraitinin son dörd ayda sürətlə pisləşdiyi vurğulanıb və bu vəziyyətin uşaqların təhsilə çıxışında yaranan ləngimələrdə və qəzzalıların sağlamlıq və digər əsas xidmətlərə əlçatanlıqdakı çətinliklərdə də özünü göstərdiyi vurğulanıb.
Qeyd edək ki, 2023-cü il noyabrın 24-dən dekabrın 1-dək HƏMAS və İsrail arasında bir həftə ərzində atəşkəs əldə edilmiş, əsir mübadiləsi aparılıb və Qətər-Misir-Amerika vasitəçiliyi ilə çox məhdud humanitar yardım Qəzzaya gətirilib.
Təl-Əviv Qəzzada təxminən 134 israilli məhbus olduğunu təxmin edir, hər iki tərəfin rəsmi mənbələrinə görə, həbsxanalarında ən azı 8 min 800 fələstinli saxlanılır.
2023-cü il oktyabrın 7- dən etibarən İsrail Qəzza zolağında dağıdıcı müharibə aparır ki, bu da çoxu uşaq və qadınlardan ibarət on minlərlə dinc sakinin həlak olması ilə yanaşı, misli görünməmiş humanitar fəlakətə səbə olub. Buna cavab olaraq, Tel-Əviv soyqırım ittihamı ilə Beynəlxalq Ədalət Məhkəməsinə çıxarılıb.