ABŞ Prezidenti Donald Tramp NATO-nun İranla müharibədə Vaşinqtona dəstək verməməsi səbəbindən ölkəsinin Şimali Atlantika Alyansından çıxması məsələsini ciddi şəkildə nəzərdən keçirdiyini bəyan edib. The Telegraph" qəzetinə müsahibə verən Tramp, müttəfiqlərini ABŞ və İsrailin apardığı hərbi əməliyyatlarda tək qoymaqda ittiham edib.

Prezident İlham Əliyev Azərbaycan Respublikasında dağ-mədən (metal filizləri) və metallurgiya sənayesinin inkişafının təmin edilməsi ilə bağlı bir sıra tədbirlər haqqında Sərəncam imzalayıb.

2026-ci ilin fevral ayında Türkiyənin Türkdilli ölkələrə ixracatı 2025-ci ilin eyni ayı ilə müqayisədə 5,8 faiz azalaraq 767 milyon 176 min dollar olub. Məlumata əsasən bu ilin yanvar – fevral ayında, Türkiyənin Türkdilli ölkələrə ixracatı, keçən ilin analoji dövri ilə müqayisədə 10,3 faiz azalaraq, 1 milyard 453 milyon 348 min dollar olub.

İsrail Ordusunun (IDF) sözçüsü Aviçay Adrae sosial media hesabında etdiyi paylaşımda İran ərazisindəki hərbi əməliyyatların "böyük güclə" davam etdiyini bildirib. Məlumata görə, əməliyyatın başlanğıcından bu yana İsrail hərbi hava qüvvələri tərəfindən İran daxilində təxminən 800 hücum uçuşu həyata keçirilib və 16 mindən çox müxtəlif növ döyüş sursatı istifadə edilib.

Türkmənistanın Nazirlər Kabineti sədrinin müavini Nökerquli Ataquliyev aprelin 1-də Azərbaycana səfərə gəlib. Heydər Əliyev Beynəlxalq Aeroportunda qonağı Azərbaycanın iqtisadiyyat nazirinin birinci müavini Elnur Əliyev, xarici işlər nazirinin müavini Samir Şərifov və digər rəsmi şəxslər qarşılayıblar.

Pakistan və Çin, ABŞ və İsrailin İrana qarşı zərbələri ilə başlayan regional müharibənin dayandırılması və Yaxın Şərqdə sülhün bərqərar olması məqsədilə 5 bənddən ibarət ortaq təşəbbüs sənədi yayımlayıblar.

İranın Lİvandakı səfirinin ölkədən çıxarılması məsələsi və onun Livan hökumətinin qərarına tabe olmaqdan imtina etməsi dövlətlərarası diplomatik münasibətlərdə bənzərinə az rast gəlinən hallardan biri hesab olunur. Lakin tarixdə buna bənzər hadisələr müəyyən dərəcədə baş verib: məsələn, 1983-cü ildə Livan və İran arasındakı diplomatik böhran, 1984 və 2011-ci illərdə Birləşmiş Krallıq ilə Liviya arasındakı gərginlik, habelə 2023-cü ildə Niger ilə Fransa arasındakı qarşıdurma.

Əgər Mercedes-Benz G-Class (Qalendevagen) daha çox diqqət çəkmək istəyənlərin seçimidirsə, üç sıra oturacaqlı GLS modeli lüks və praqmatikliyi sevən imkanlı şəxslərin əsas nəqliyyat vasitəsidir. Alabama ştatının Tuskalusa şəhərindəki zavodda təqdim edilən 2027-ci il model GLS, altı və ya yeddi sərnişini yüksək komfortla təmin edən ən son yenilikləri özündə cəmləşdirir.

Birləşmiş Krallığın Dəniz Ticarət Əməliyyatları (UKMTO) agentliyi Qətər sahillərində ticarət gəmisinə qarşı hücumun baş verdiyini elan edib. Rəsmi məlumata görə, insident Qətərin paytaxtı Doha şəhərindən təxminən 17 dəniz mili (31,84 km) şimalda qeydə alınıb.

İnsan haqları təşkilatı "Access Now" tərəfindən yayımlanan yeni hesabatda İranın internet məhdudiyyətləri tətbiq etmək üçün "qeyri-adi dərəcədə mürəkkəb" və daha əhatəli metodlara əl atdığı bildirilir. Təşkilatın məlumatına görə, rəsmi Tehran bu yolla ölkə daxilində informasiya axınını tamamilə nəzarətə götürməyə çalışır.

Türkiyə Milli Kəşfiyyat Təşkilatının (MİT) rəhbəri İbrahim Kalın Ankara şəhərində HƏMAS Siyasi Bürosunun Danışıqlar Heyətinin rəhbəri Xəlil əl-Hayya və onu müşayiət edən nümayəndə heyəti ilə bir araya gəlib. Görüş zamanı Qəzzadakı son vəziyyət, İsrailin davam edən hücumları və bölgədəki kəskin humanitar böhranın aradan qaldırılması yolları diqqət mərkəzində olub.

Dünya neftinin təxminən 20 faizinin daşındığı Hörmüz boğazındakı gərginlik qlobal iqtisadiyyat üçün ciddi təhdid yaratsa da, Türkiyə tətbiq etdiyi enerji strategiyası sayəsində bu risklərdən minimum səviyyədə təsirlənir.