Bakı, VOA
ABŞ Vaşinqtonda Bakı və İrəvan arasında danışıqlar keçirməkdən daima məmnundur.
VOA xəbər verir ki bu barədə ABŞ dövlət katibinin Avropa və Avrasiya məsələləri üzrə köməkçisi Ceyms O’Brayn Bakıda keçirilən brifinqdə deyib.
"Lakin kanallar çoxdur və hər iki tərəf çox səmərəli birbaşa ünsiyyətə malikdir. Bu səbəbdən vurğulamaq istəyirəm ki, onlardan hər biri bunu öz vətəndaşları üçün edir. Regiona sülhü gətirmək üçün biz hansı dəstəyi göstərməyimizdən asılı olmayaraq, bu prosesdə dost kimi iştirak edirik", - o deyib.
