Bakı,AzerVoice

30-dan çox beynəlxalq nüfuzlu KİV-lər Qəzzada çalışan jurnalistlərlə həmrəylik ifadə edən və onları müdafiə və xəbər vermək azadlığına çağıran açıq məktub imzalayıb.

AzerVoice xəbər verir ki, Jurnalistləri Müdafiə Komitəsinin koordinasiya etdiyi məktubu qlobal xəbər agentlikləri AFP, AP və Reuters, eləcə də New York Times, BBC News və hətta İsrailin Haaretz kimi aparıcı KİV-ləri imzalayıb.

Məktubda deyilir: "Təxminən beş aya yaxındır ki, Qəzzada jurnalistlər və media işçiləri - böyük əksəriyyəti görünməmiş şəraitdə işləyirlər. Onlar Fələstindən yeganə xəbər mənbəyidirlər”

Məlumat üçün bildirək ki, Qəzzada müharibənin başlanmasından bu günə qədər ən azı 89 jurnalist və media işçisi həlak olub.

Beynəlxalq Yayımçılar Assosiasiyası və Ümumdünya Qəzetlər və Xəbər Nəşriyyatçıları Assosiasiyası (WAN-IFRA) tərəfindən də imzalanmış məktubda deyilir: "Jurnalistlər mülki şəxslərdir və İsrail hakimiyyəti jurnalistləri beynəlxalq hüquqa görə döyüşməyənlər kimi müdafiə etməlidir".

Qeyd edək ki, 29 fevral tarixində Qəzza şəhərinin cənubundakı Dovar ən-Nablusi yaxınlığında yüzlərlə fələstinli yardım gözləyərkən İsrail tərəfindən atəşə tutulub.

Nəticədə yardım gözləyən 120 nəfər həlak olun minə yaxın insan müxtəlif  dərəcədə zədə alıb. Ölənlər arasıdan uşaq və qadınlar da var.

İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 mindən çox fələstinli həlak olub, 70 min nəfər isə yaralanıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.

İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.