BAKI, AzerVoice
İsrail Ordusu Beyrutun cənub rayonlarının bir neçə sakininə evlərini dərhal tərk etmələri barədə xəbərdarlıq edib.
AzerVoice xəbər verir ki, müvafiq xəbərdarlığı ordunun rəsmi nümayəndəsi Avixay Edri yayımlayıb.
"Xadas, Harət-Xreyk və Bürc əl-Bərajnə rayonlarının sakinləri, əgər siz şəkillərdə qırmızı ilə işarələnmiş binalardasınızsa, onları tərk edib ən azı 300 metr uzaqlaşmanızı xahiş edirik. Çünki evlərinizin yaxınlığında "Hizbullah"a məxsus hərbi obyektlər yerləşir" — deyə, Edri "X" platformasında ərəbcə yazıb. O, paylaşımına həmin binaların qırmızı ilə qeyd olunduğu şəhər fotolarını da əlavə edib.
Xatırladaq ki, İsrail Ordusu ən son aprel ayının sonunda Beyruta zərbələr endirmişdi. O vaxtdan bəri yalnız Livanın cənub rayonları atəşə tutulub.