Bakı, AzerVoice
İsrailin Livanın şərqinə reydləri zamanı azı 60 nəfər həlak olub.
AzerVoice ArabAZ-a istinadən xəbər verir ki, bu haqda Livan Səhiyyə Nazirliyinin verdiyi məlumatda deyilir. İnsidenti Baalbek qubernatoru Bəşir Xader təsdiq edərək bu haqda “X” sosial şəbəkəsində paylaşım edib.
“Bu gün eskalasiya başlayandan bəri “Baalbek üçün ən şiddətli gündür”-deyə o “X” şəbəkəsində yazıb.
Qeyd edək ki, keçən aydan bəri İsrail Beyrut yaxınlığında, ölkənin cənub və şərqində Hizbullahın dayaq məntəqələri hesab edilən ərazilərə hava zərbələrini gücləndirib və bir il ərzində Hizbullah ilə bombardmanlar mübadiləsi apardıqdan sonra Livanın cənubunda “məhdud” qurudan hücuma başlayıb.
Livan Səhiyyə Nazirliyinin məlumatlarına əsaslanaraq hazırladığı hesablamaya görə, bu, İsrailin sentyabrın 23-dən Livana basqınları nəticəsində ölənlərin sayının 1700-ü ötüb.