BAKI,VOA,Yusif Şərifzadə
İranın baş danışıqçısı Məhəmməd Baqir Qalibaf və xarici işlər naziri Abbas Əraqçi ABŞ-İran razılaşmasının mümkün şərtlərini müzakirə etmək üçün Qətərin paytaxtı Dohaya səfər ediblər.
VOA xəbər verir ki, iranlı nümayəndələr Qətərin Baş naziri və xarici işlər naziri Şeyx Məhəmməd bin Əbdülrəhman bin Casim Al Tani ilə müharibənin dayandırılmasına yönəlmiş potensial razılaşma ətrafında danışıqlar aparırlar. Müzakirələrin əsas mövzuları Hörmüz boğazı və İranın yüksək səviyyədə zənginləşdirilmiş uran ehtiyatlarıdır.
Rəsmi heyətə İran Mərkəzi Bankının rəhbəri də daxildir. Onun iştirakı dondurulmuş İran vəsaitlərinin azad edilməsi məsələsinin mümkün yekun saziş çərçivəsində müzakirəsini əhatə edir.