BAKI,VOA
ABŞ-ın dövlət katibi Marko Rubio Böyük Yeddilər (G7) qrupundakı həmkarları ilə keçirdiyi görüşdə İranla bağlı strateji məqamları açıqlayıb. VOA xəbər verir ki, Rubio müttəfiqlərinə Vaşinqtonun hərbi və siyasi təzyiqlər vasitəsilə öz hədəflərinə nail olmaq üzrə olduğunu vurğulayıb.
Mənbənin verdiyi məlumata görə, dövlət katibi Rubionun G7 həmkarları ilə müzakirələrində aşağıdakı dörd əsas bənd ön plana çıxıb.
Marko Rubio bəyan edib ki, Birləşmiş Ştatlar İranla rəsmi danışıqlar aparmaq niyyətindədir və diplomatik yol hələ də masadadır.
Onun sözlərinə görə, dövlət katibi qeyd edib ki, ABŞ hazırda İranda qarşısına qoyduğu strateji məqsədlərə nail olmaq prosesindədir. Rubio müharibə başa çatdıqdan sonra belə, Hörmüz boğazında ( Xalid bin Vəlid boğazı) ticarət gəmilərinin hərbi müşayiətinin (eskort) davam etdirilməsinin zəruriliyini vurğulayıb.
Rubio G7-dəki həmkarları ilə hər hansı yeni bir müştərək hərbi qüvvənin yaradılması məsələsini müzakirə etməyib.
Bu açıqlamalar göstərir ki, Tramp administrasiyası müharibənin aktiv fazasından sonra regionda yeni bir təhlükəsizlik arxitekturası qurmağı planlaşdırır. Rubionun Hörmüz boğazında gəmilərin müşayiəti barədə israrı, gələcəkdə İranın naviqasiya azadlığına qarşı hər hansı təhdidinin qarşısını almaq üçün uzunmüddətli hərbi mövcudluğun qorunacağını təsdiqləyir.