Bakı. AzerVoice:
İsrail danışıqlar prosesini gecikdirir.
AzerVoice-nin məlumatına görə, bu barədə İslami Müqavimət Hərəkatının (HƏMAS) siyasi bürosunun rəhbəri İsmayıl Haniyyə deyib.
“İsrail tərəfi mümkün qədər danışıqlar prosesini gecikdirir. Biz İsrail ordusunun Qəzzadan çıxarılması, köçkünlərin öz bölgələrinə qayıtmasını tələb edirik. İsrail Qəzzadakı blokadanı aradan qaldırmalıdır.” deyə Haniyyə bildirib.
O qeyd edib ki, uzun müddət azadlıqdan məhrum edilmiş fələstinlilərin də azad edilməsi vacibdir.
“İsrailin mülki əhaliyə qarşı gecə-gündüz həyata keçirilən qan tökülməsinin qarşısını almaq üçün bütün imkanlarımızla çalışacağıq.” - deyə Haniyya bildirib.
Qeyd edək ki, oktyabrın 7-də İsrail-Fələstin münaqişəsinin yeni mərhələsi başlayandan bəri Qəzza zolağında ölənlərin sayı 28 min 775 nəfərə çatıb.
Hafiz Rufizoğlu