BAKI, AzerVoice, Nailə Babazadə
2025-ci ilin yanvar-iyul aylarında Qazaxıstan vətəndaşları Türkiyədə 375 daşınmaz əmlak satın alıblar ki, bu da keçən ilin eyni dövrü ilə müqayisədə 219 obyekt azdır.
Bu barədə AzerVoice -ə Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanından məlumat verilib.
Məlumata görə, bu ilin iyul ayında Qazaxıstan vətəndaşları Türkiyədə 65 daşınmaz əmlak alıblar ki, bu da 2024-cü ilin iyul ayı ilə müqayisədə 57 obyekt azdır.
Qeyd edək ki, 2025-ci ilin iyul ayında Türkiyədə 142 min 858 mənzil satın alınıb ki, bu da 2024-cü ilin iyul ayı ilə müqayisədə 12,4 faiz çoxdur.
Məlumata görə, 2025-ci ilin yanvar-iyul aylarında Türkiyədə 834 min 754 mənzil satın alınıb.
"Bu göstəricilər 2024-cü ilin eyni dövrü ilə müqayisədə 24,2 faiz çoxdur", - deyə nazirlikdən qeyd edilib.
2025-ci ilin iyul ayında Türkiyədə xarici vətəndaşlara min 913 mənzil satılıb ki, bu da 2024-cü ilin eyni dövrü ilə müqayisədə 18,6 faiz azdır.
Eyni ilin yanvar-iyul aylarında əcnəbi vətəndaşlar Türkiyədən 11 min 267 mənzil alıblar ki buda keçən ilin eyni dövrü ilə müqayisədə 12,1 faiz azdır.