BAKI, AzerVoice
Bu ilin iyun ayında Türkiyədə 189 min 237 ədəd nəqliyyat vasitəsi ilk dəfə dövlət qeydiyyatına alınıb.
AzerVoice xəbər verir ki, bu vasitələrin 48,7 faizini motosikletlər, 38,2 faizini avtomobillər, 7,8 faizini pikaplar, 3,1 faizini traktorlar, 1,3 faizini yük maşınları, 0,6 faizini mikroavtobuslar, 0,2 faizini avtobuslar və 0,1 faizini xüsusi məqsədli nəqliyyat vasitələri təşkil edib.
“May ayı ilə müqayisədə qeydiyyata alınan nəqliyyat vasitələrinin ümumi sayı iyun ayında 10 faiz azalıb”-deyə məlumatda qeyd edilir.
Məlumata əsasən xüsusi məqsədli nəqliyyat vasitələrində 16,3 faiz və traktor kateqoriyasında 4,9 faiz artım qeydə alınsa da, digər bütün kateqoriyalarda azalma müşahidə olunub. Ən böyük azalma avtobuslarda 34,9 faiz, mikroavtobuslarda 30 faiz, yük maşınlarında 28,5 faiz və avtomobillərdə 16,9 faiz olub.
2024-cü ilin iyun ayı ilə müqayisədə isə ümumi qeydiyyatlarda 4,7 faiz azalma olub.
“Minik avtomobillərində bu azalma 4,5 faiz, motosikletlərdə 7,4 faiz, traktor kateqoriyasında 5,9 faiz, avtobuslarda isə 4,8 faiz təşkil edib. Bunun əksinə olaraq, mikroavtobusların sayı 36,1 faiz, pikapların sayı 11,5 faiz, yük maşınlarının sayı isə 2,2 faiz artıb”-deyə bildirilir.
Ümumilikdə 32 milyon 366 min 546 nəqliyyat vasitəsi qeydiyyatdadır
2025-cü ilin yanvar-iyun ayına olan statistikaya görə, Türkiyədə dövlət qeydiyyatında olan nəqliyyat vasitələrinin ümumi sayı 32 milyon 366 min 546 olub.
Onların 51,7 faizi avtomobil, 20,6 faizi motosiklet, 14,8 faizi pikap, 7,1 faizi traktor, 3,2 faizi yük maşını, 1,6 faizi mikroavtobus, 0,7 faizi avtobus və 0,3 faizi xüsusi məqsədli vasitələrdir.
İyul ayında ölkə daxilində 840 min 22 nəqliyyat vasitəsinin sahibi dəyişib. Bu vasitələrin 66,6 faizi avtomobillər, 14,4 faizi pikaplar, 12,4 faizi motosikletlər, 2,8 faizi traktorlar, 1,7 faizi yük maşınları, 1,5 faizi mikroavtobuslar, 0,4 faizi avtobuslar və 0,2 faizi xüsusi məqsədli vasitələr təşkil edib.
İyunda qeydiyyata alınan 72 min 361 ədəd avtomobil arasında markalara görə paylanma belə olub: Volkswagen (8,3%), Renault (8,1%), Peugeot və Fiat (hər biri 6%), Hyundai və Toyota (hər biri 5,2%), Skoda və BYD (hər biri 4,9%), Opel (4,6%), Citroen (3,8%), Mercedes-Benz (3,6%), BMW (2,7%), Chery və Audi (hər biri 2,5%), Ford (2,4%), Kia (2,1%), Nissan (2,0%), Dacia (1,7%), Mini (1,2%), Honda (1,1%) və digər markalar (21,1%).
Avtomobillərdə ən çox seçilən rəng Boz olub. İlin ilk yarısında qeydiyyata alınan avtomobillərin 40,6 faizi boz, 24,5 faizi ağ, 13,2 faizi qara, 11,5 faizi mavi, 4,6 faizi yaşıl, 4,1 faizi qırmızı rəngdə olub. Qalanlar isə daha az payla digər rənglərə (qəhvəyi, sarı, narıncı və s.) aiddir.