Formula 1 Monako Qran-pri şənlikləri zamanı nümayiş etdirilən bu superkar hibrid sistemlə kombinasiya olunmuş ikiqat turboşarjlı 4.0 litrlik V8 mühərriki ilə təchiz edilib. Təxminən 1000 at gücü hasil edən və 10000 dövriyyəyə (RPM) qədər qalxa bilən bu mühərrik korporativ qardaş "Lamborghini Temerario" modelindən götürülsə də ondan daha çox gücə sahibdir. Avtomobildə ön oxda iki, arxa oxda isə bir ədəd olmaqla üç elektrik motoru quraşdırılıb. Bu güc paketi 7.3-kWh batareya sayəsində avtomobilin sıfırdan saatda 60 mil (0-96 km/s) sürəti cəmi 2.6 saniyəyə yığmasına və saatda 217 mil (350 km/s) maksimum sürət toplamasına imkan verir.

"Porsche" şirkəti özünün ən çox satılan və əlçatan modellərindən biri olan benzin mühərrikli "Macan"ın istehsalını bu ilin yayında rəsmən dayandırır. Şirkətin maliyyə direktoru Yoxen Bruknerin (Jochen Bruckner) son rüblük hesabat iclasında verdiyi məlumata görə, daxili yanma mühərrikli (ICE) "Macan" modelinin istehsal xətti 2026-cı ilin iyul ayında tamamilə dayandırılacaq.

Ailə üçün geniş və praktik avtomobil istəyən, lakin idman performansından imtina etmək istəməyən sürücülər üçün 2026 Audi RS6 Avant diqqət çəkən modellərdən biri kimi təqdim olunur. Audi-nin yüksək performanslı bu steyşn vaqonu aqressiv dizaynı və güclü mühərriki ilə idman kupesinin xüsusiyyətlərini ailə avtomobili funksionallığı ilə birləşdirir. Model alçaq gövdə quruluşunda yerləşdirilən 4.0 litrlik tvin-turbo V-8 mühərrik və gücləndirilmiş şassi sistemi ilə seçilir.

Avtomobil sənayesi hazırda bir növ keçid dövrünün çətinliklərini yaşayır. 2020-ci illərin ortalarına qədər tam gücü ilə hiss olunacağı vəd edilən elektromobil inqilabı yavaş irəliləyirdi və indi ABŞ-da xeyli ləngiyib. Bu da istehsalçıları çox yanacaq içən ənənəvi maşınlardan tutmuş hibrid və elektromobillərə qədər uzanan qarışıq çeşidlərlə baş-başa qoyub.

Bu ilin iyun ayında Türkiyədə 189 min 237 ədəd nəqliyyat vasitəsi ilk dəfə dövlət qeydiyyatına alınıb.