Bakı, AzerVoice
AFFA 2024/25 Region Liqasında “Xankəndi” klubunun iştirakını təsdiqləyib.
AzerVoice İdman.biz-ə istinadən xəbər verir ki, komanda ev oyunlarını hələlik eyniadlı şəhərdə keçirməyəcək.
“Xankəndi” bu mövsüm rəqiblərini Şamaxı Olimpiya Mərkəzinin futbol meydançasında qəbul edəcək. Qarşıdakı günlərdə klubun heyəti və baş məşqçisi barəsində məlumat veriləcək.
Qeyd edək ki, komandanın təsisçisi Azərbaycan Minifutbol Liqasında çıxış edən “Real Bakı”nın rəhbəri Elnur Məcidovdur.
