BAKI,VOA
Regionda geosiyasi proseslər yeni mərhələyə daxil olur.
VOA xəbər verir ki, Azərbaycan Prezidentinin köməkçisi Hikmət Hacıyev Qarabağ Universitetində çıxışı zamanı Qafqaz regionunda beynəlxalq hüquqa və tarixi reallıqlara əsaslanan yeni status-kvonun formalaşdığını bildirib.
Onun sözlərinə görə, Ermənistan və Azərbaycan arasında münaqişənin geniş mənada nizamlanması regionda sabitlik və dayanıqlılıq üçün mühüm zəmin yaradır.
H.Hacıyev qeyd edib ki, regionda yeni münaqişə ocaqlarının yarandığı bir şəraitdə sülh prosesi hər iki ölkə üçün xüsusi əhəmiyyət daşıyır.
Məlumata görə, diplomatik korpus nümayəndələrinin Şərqi Zəngəzur və Qarabağa səfəri çərçivəsində bölgədə aparılan yenidənqurma və bərpa işləri ilə yerində tanışlıq həyata keçirilir.