Bakı,AzerVoice
Kabalizm yəhudi mistisizmini ifadə edən termindir. “Ənənə” mənasına “kabala” sözü ilə ifadə olunan yəhudi mistisizminin mənşəyi İkinci Məbəd dövrünə qədər aparılmaqla birlikdə, bir sistem kimi Kabalizmin XII-XIII əsrlərdə İspaniyada qurulduğu, əsas təlimlərini ehtiva edən dini mətni Zoharın həmin dövrdə yazıldığı qəbul edilir. Yəhudi mistisizminin son mərhələsi hesab olunan hasidiliyin XVIII əsrdən Şərqi Avropa yəhudiləri arasında yayılması ilə kabalizmin əhatə dairəsi genişlənmişdir. Əsas məqsədi Tanrı ilə yaradılış arasındakı münasibətin sirlərini dərk etmək olan kabalizmdə yaradılış və qurtuluş əsas mövzuları meydana gətirir. Kabalizmin müasir dövrdəki təmsilçisi hasidilikdir.
