BAKI,VOA, Nailə Babazadə

Türkiyə Prezident Administrasiyasının Kommunikasiya İdarəsinin Dezinformasiya ilə Mübarizə Mərkəzi (DMM), bəzi sosial media hesablarında paylaşılan "Birləşmiş Ərəb Əmirlikləri (BƏƏ) İrana hücum edərsə, Türkiyə üçün qanuni hədəf olacaq" şəklindəki iddiaların həqiqəti əks etdirmədiyini açıqlayıb.

VOA xəbər verir ki, mərkəzin sosial şəbəkə hesabından edilən rəsmi açıqlamada bildirilir ki, Türkiyə Respublikasının dövlət qurumları tərəfindən bu yöndə heç bir bəyanat və ya qiymətləndirmə verilməyib.

"Türkiyə regional gərginliyin artırılmasını deyil, diplomatiya, dialoq və beynəlxalq hüquq əsasında sülh və sabitliyin qorunmasını müdafiə edən siyasət yürüdür". - deyə açıqlamada qeyd edilib.

Türkiyə Dezinformasiya ilə Mübarizə Mərkəzi vətəndaşları və beynəlxalq ictimaiyyəti yalnız rəsmi mənbələrin verdiyi məlumatlara etibar etməyə çağırıb. Xüsusilə regional münaqişələrin aktivləşdiyi bir dövrdə, saxta xəbərlərin dövlətlərarası münasibətlərə zərər verməməsi üçün diqqətli olmağın vacibliyi vurğulanıb.