Bakı. AzerVoice:
Türkiyənin Manisa vilayətində meşə yanğını baş verib.
AzerVoice xəbər verir ki, Manisanın Alaşehir rayonunda çəmənlikdə baş verən və əkinçilik sahələrinə və meşə sahələrinə yayılan yanğına müdaxilə edilir.
Xəbərdarlıq üzərinə bölgəyə cəlb edilən Manisa Böyükşəhər Bələdiyyəsinin yanğınsöndürmə briqadası və Meşə İdarəsi Müdirliyinə bağlı qruplar alovun qəsəbəyə keçməsinin qarşısını almaq üçün işə başlayıb.
Bəzi ev və tövlələrə sıçrayan yanğın qrupların müdaxiləsindən sonra digər evlərə keçmədən qarşısı alınıb.
Məlumat üçün qeyd edək ki, meşə sahəsinə sıçrayan yanğını söndürmək üçün qruplar işlərini davam etdirir.
Yanğına Manisa, Aydın, Dənizli və Uşakdan olan 71 söndürmə qrupu, iki təyyarə, beş helikopter və səkkiz iş maşını ilə müdaxilə edildiyi, bölgəyə beş sağlamlıq və 20 təhlükəsizlik qrupu ayrıldığı bildirilib.
Hafiz Rufizoğlu